Publicité

 

Lundi 10 novembre 2008

7- GEOGRAPHIE

Adray ! adray! izato hevitrareo ,
Manondro ny lanitra ka mankaleo ,
Dia te-hirediredy mandany fotoana ,
milaza ho lohany ,lohany foana .

 Jereo tsara ka henoy sy ekeo ,
Tsy izy daholo ny teninareo ,
Izaho no tena mpanjaka ry 'reto a!,
Izany ny marina ka mba raiketo  .




Izaho no mpilaza ny toetrin'ny tany ,
Na avo ,na iva dia fantatro izany ,
Izaho no mpampianatra ny te-hahalàla ,
Ny havoana ,ny mponina , ny ony ,ny ala .

Izaho no ambony ka sahy mihantsy ,
Ra-"GEOGRAPHIE" no anarako mantsy ,
Ireo ranomasina toa tsisy fara ,
Sy ny tany rehetra ....  fantatro tsara .

"Asie" sy "Europe" ary ilay "Afrique" ,
"Australie" s'ireo  "Amerique" ,
Ny "Antarctique" sy ny "Arctique" ,
Manarak'izany dia ny "Pacifique" .

Ny hany mpanjaka d'izaho irery ihany ,
Fa ny fahalalako mametra ny tany .


                             RAOBELISON Andriamampionona Armand .
Par RANDRANA - Publié dans : boky fianarana
Ecrire un commentaire - Voir les commentaires - Recommander
Lundi 10 novembre 2008

6 -SCIENCES

Ha! ha! ha! , 'zato resak'ankizy ,
Loha poak'aty ka be ambozizy ,
Dia te-hidingina toa rambon'osy ,
Ny volony anefa tsy ampy borosy .

Tsy fantatrareo mantsy aho ry zaza ,
Izaho no ra-"SCIENCES" tompon'ny laza ,
Ny fahalalàko dia tsy misy fetra ,
Hany ka haiko ny zava-drehetra .

Ny zava-boahary ambonin'ny tany ,
Na vato ,na biby ,na ahitra izany ,
Masoandro amam-bolana sy ny habakabaka ,
Haiko lazaina tsy misy avakavaka .

Ny zava-mivaingana dia ny "solide" ,
Ny ranony kosa "fluide" sy "liquide" ,
"Radio" sy ny "Radar" , "rayons cosmique" ,
Dia haiko k'ampiako ny "bombe atomique" .

Ny tena mpanjaka dia izaho ra-"SCIENCE" ,
Ny sisa rehetra dia "ordonnances" .


                                             RAOBELISON Andriamampionona Armand .
Par RANDRANA - Publié dans : boky fianarana
Ecrire un commentaire - Voir les 1 commentaires - Recommander
Lundi 10 novembre 2008

5 -HISTOIRE

Mangina ,mangina tsy tiako ho heno
Ny foko mivonto ka feno dia feno ,
Mba dedaka foana mitanisanisa  ,
Kanefa tsingetana , fa tsy adrisa .


Mirebika foana ... koa dia ... mba mahay ,
Mangina ,fa sao dia zerako kitay ,
Tsy mihevitra akory vao be tafasiry ,
Tys tazana angaha t'izaho mankadiry .

Izaho " HISTOIRE" no boky andrandraina ,
Ny fahalalàko manaitra ny saina ,
Izaho irery ihany no mahay milaza ,
Ny tantaran'ireo firenena malaza .

 Ny toe-mpanjaka mifandimbidimby ,
Tiana ho hain'ireo fara sy dimby ,
Ny asa sy hevitry ny olo-malaza ,
Dia tsara ho fantatr'ire o mbola zaza .

 Izaho no mpampianatr'izany azy ireny ,
Mba ahalalàny ity fireneny ,
Izaho no namboly tanatin'ny sainy ,
Ny "patriotisme" tsara ho hajainy .

K'izaho no tena mpanjakan'ny boky ,
Ny sisa rehetra tsy azoko toky .


                                      RAOBELISON Andriamampionona Armand .
Par RANDRANA - Publié dans : boky fianarana
Ecrire un commentaire - Voir les commentaires - Recommander
Vendredi 5 septembre 2008

4- LECTURE

Mangina ny vava fandrao dia voapaika
Mba mieritrereta ,fa aza dia maika ,
Eo ka mibetroka mandrahondrahona ,
Aoka fa itony no "élèves" - ny sahona .

        Aza miteny manao sahisahy ,
        Henoy sy fantaro,fa ts'isy hoatr'ahy ,
        Izaho " LECTURE" no ambony indrindra ,
        Ny teny voalahatro tena mirindra .

Raiketiko tsara ,ka he! mampitsetra ,
Ny soratry ny olo-malaza rehetra ,
Hugo ,ry Vigny ,Musset sy Montaigne ,
Ry Lamartine ary koa la Fontaine .

        Tsy azoko adinoina ry Rabearivelo ,
        Sahy namoaka ireo tsiambaratelo ,
        Ramanantoanina sy ry Rabary ,
        Nampiseho ny talentan'ilay Nahary .

Ambony dia ambony ny zavatra haiko ,
Mpampianatra ankizy hahay teny baiko ,
D'ireny no lasa ho "fonctionnaires " ,
Ka "écrivains " na ho " gouverneurs " .

         Izaho "LECTURE" no hita  f'ambony ,
         Ny ambony hoatr'ahy toa tsy hitako intsony .



                               RAOBELISON Andriamampionona Armand .
Par RANDRANA - Publié dans : boky fianarana
Ecrire un commentaire - Voir les 2 commentaires - Recommander
Mercredi 3 septembre 2008

3- ARITHMETIQUE

Tandremo ny vava ry  "Giran-dRamera "
Mba fidifidio lahy ny vokabilera ,
Mieritrereta vao mifanebaka .
Aza vavàna toa haron-tabebaka .

          Indro henoy ,fa izaho no mpitarika ,
          "ARITHMETIQUE"  mpampianatra marika.
          Izaho no mpanoro ny kaonty rehetra
          Ny "plus" , ny "moins" ,multiples" , etsetra .
"Poids et mesures" sy  "capacités " ,
"Tant pour cent " , "escompte" , "intérêts " .
 "La fraction " ary koa  "densité" ,
 Ireo "alliage " mba takatr'ise ?

         

          Ny mpianatro ihany no tena "capables" ,
          Fa  "secrétaires " sy tonga  "comptables" ,
          Manoratra "comptes" , mpanisa ny vola ,
          Mahay  "calcul" ,ka tsy mba tola .

K'izaho no tena mpanjakan'ny boky ,
Izay tsy ampianariko tsy mba ho voky .



                     RAOBELISON Andriamampionona Armand .
Par RANDRANA - Publié dans : boky fianarana
Ecrire un commentaire - Voir les commentaires - Recommander

Présentation

 

Articles récents

liste complète

 

Recherche

 

Créer un Blog

Créez votre blog gratuit

 

 
Créer un blog sur over-blog.com - Contact - C.G.U. - Rémunération en droits d'auteur - Signaler un abus