6 -SCIENCES

Ha! ha! ha! , 'zato resak'ankizy ,
Loham-poak'aty ka be ambozizy ,
Dia te-hidingina toa rambon'osy ,
Ny volony anefa tsy ampy borosy .

Tsy fantatrareo mantsy aho ry zaza ,
Izaho no ra-"SCIENCES" tompon'ny laza ,
Ny fahalalàko dia tsy misy fetra ,
Hany ka haiko ny zava-drehetra .

Ny zava-boahary ambonin'ny tany ,
Na vato ,na biby ,na ahitra izany ,
Masoandro amam-bolana sy ny habakabaka ,
Haiko lazaina tsy misy avakavaka .

Ny zava-mivaingana dia ny "solides" ,
Ny ranony kosa "fluides" sy "liquides" ,
"Radio" sy ny "Radar" , "rayons cosmiques" ,
Dia haiko k'ampiako ny "bombes atomiques" .

Ny tena mpanjaka dia izaho ra-"SCIENCES" ,
Ny sisa rehetra dia "ordonnances" .


                                             RAOBELISON Andriamampionona Armand .